کراچی(نیشنل ٹائمز) پاک بحریہ کے اسسٹنٹ چیف آف اسٹاف برائے آپریشنز کموڈور راؤ احمد عمران کا کہنا ہے کہ پاک بحریہ دنیا کے جدید ترین میزائل سسٹم سے مسلح ہو چکی ہے۔
جیو نیوز کے پروگرام کیپیٹل ٹاک میں پاک بحریہ کے اسسٹنٹ چیف آف اسٹاف برائے آپریشنز کموڈور راؤ احمد عمران نے بتایا ہے کہ پاک بحریہ دنیا کے جدید ترین میزائل سسٹم سے مسلح ہوچکی، تمام میزائل پاکستان میں ہی تیار کیے گئے جو حملہ کرنے والے دشمن کو فضا، سمندر اور زمین پر تباہ و برباد کرنے کی صلاحیت رکھتے ہیں۔پاک بحریہ کے جدید ترین جنگی جہاز پی این ایس تیمور پر جیو نیوز کے سینیئر اینکر حامد میر کو خصوصی انٹرویو میں انہوں نے بتایا کہ پاک بحریہ کے لانگ رینج میزائل اور ہتھیار دنیا کے ترقی یافتہ ترین ملکوں کے ہتھیاروں سے کم نہیں۔پی این ایس تیمور پر کیپیٹل ٹاک اسپیشل نیوی ڈے پر پیر کی شب8 بجے جیو نیوز پر نشر کیا جائے گا۔