سیالکوٹ(نیشنل ٹائمز)دبئی کی نجی ائیرلائن کا طیارہ فنی خرابی کا شکار ہوگیا۔
ائیرپورٹ ذرائع کے مطابق دبئی سے آنے والی پرواز ایف زیڈ 315 سیالکوٹ پہنچی تو بوئنگ 737 میکس 8 طیارے میں فنی خرابی پیدا ہوگئی۔ذرائع کے مطابق خرابی دور کرنے کےلیے دبئی سے ماہرین اور پرزہ دوسری پرواز ایف زیڈ 317 کے ذریعے روانہ کیا گیا تاہم اسے ملتان اتارنے کے بجائے رخ موڑ کر سیالکوٹ لینڈ کرایا گیا تاکہ فوری طور پر مرمت کا کام کیا جا سکے۔ماہرین اور پرزہ پہنچانے کے بعد مذکورہ پرواز دوبارہ روانہ ہوکر ملتان پہنچی۔ائیرپورٹ حکام کا کہنا ہے کہ طیارے کی مرمت مکمل ہونے کے بعد پرواز ایف زیڈ 316 ساڑھے 7 گھنٹے کی تاخیر سے سیالکوٹ سے دبئی روانہ ہوئی۔