کراچی (نیشنل ٹائمز) عدالت نے نوبیاہتا دلہن پر جنسی تشدد اور ہلاکت کے کیس میں نامزد ملزم کی ضمانت کی درخواست مستردکردی۔
کراچی کے ایڈیشنل ڈسٹرکٹ اینڈ سیشن جج نے لیاری میں نوبیاہتا دلہن پر جنسی تشدد اور ہلاکت کے کیس کی سماعت کی۔دوران سماعت پولیس حکام نے عدالت کو بتایا کہ ملزم نے اپنی اہلیہ پر شدید جنسی تشدد کیا جس کے بعد خاتون چند دن کومہ میں رہیں اور پھر دم توڑ گئی۔ پولیس حکام نے بتایا کہ ملزم اپنے جرم کا اعتراف بھی کرچکا ہے اور ملزم کے خلاف تھانہ بغدادی میں مقدمہ درج ہے۔ بعد ازاں سیشن عدالت نے ملزم اشوک کی درخواست ضمانت مسترد کردی۔
کراچی: نوبیاہتا دلہن پر جنسی تشدد اور ہلاکت کا کیس، ملزم کی درخواست ضمانت مسترد
