لاہور(نیشنل ٹائمز) وائلڈ لائف رینجرز اور وائلڈ لائف ریسکیو فورس نے سیلاب میں پھنسے 6 شیر ریسکیو کر لیے۔
ریسکیو ترجمان کے مطابق ملتان روڈ راوی کنارے واقع فارم ہاؤس میں سیلاب میں پھنسے 6 شیر وائلڈ لائف رینجرز نےریسکیوکیے۔اس حوالے سے پنجاب کی سینئر وزیر مریم اورنگزیب نے کہا کہ طوفانی بارش اور سیلاب کے باوجود وائلڈ لائف رینجرز نےجانفشانی سے فرائض انجام دیے۔سینئر وزیر کا کہنا تھا کہ وائلڈ لائف نے ان شیروں اور ان سے انسانی جانوں کے خطرے کو بروقت ٹال دیا، یہ ایک مشکل آپریشن تھا جس میں چارکشتیاں اورویٹنری ڈاکٹرز نے حصہ لیا۔مریم اورنگزیب نے مزید بتایا کہ شیروں کو محفوظ مقام پرمنتقل کر کےفوری میڈیکل چیک اپ شروع کردیا گیا ہے۔