ویب ڈیسک(نیشنل ٹائمز)گجرات کے کٹھالہ کے مقام پر دریائے چناب میں ریسکیو اہلکاروں کی کشتی خراب ہو گئی۔
ریسکیو اہلکاروں کی کشتی اُس وقت خراب ہوئی جب وہ سیلاب میں گھرے لوگوں کو محفوظ مقامات پر منتقل کر رہے تھے تاہم ا س دوران کشتی میں سوار ریسکیو اہلکار وقت کاٹنے کے لیےگانا گا کر ایک دوسرے کو محظوظ کرتے رہے۔ایک ریسکیو اہلکار نے معروف گلوکار سجاد علی کا گانا ‘ میں ڈوب رہا ہوں، ابھی ڈوبا تو نہیں ہوں’ گا کر اپنی مشکل سے آگاہ کیا۔ریسکیو اہل کاروں کے مطابق سیلاب میں پھنسے شہریوں کو ریسکیو کرتے ہوئے کشتی کی موٹر خراب ہو گئی تھی۔
گجرات: سیلاب میں ریسکیو کشتی خراب، اہلکار نے سجاد علی کا گیت گاکر مشکل سے آگاہ کیا
