وہاڑی (محمد یوسف بھٹی) ایڈیشنل ڈپٹی کمشنر ریونیو بابر سلیمان نے اسسٹنٹ کمشنر احسن ممتاز کے ہمراہ دریائے ستلج کے متاثرہ سیلابی علاقوں کا دورہ کیا اور خیمہ بستیوں و ریلیف کیمپوں کا معائنہ کیا۔ انہوں نے سیلاب متاثرین کو فراہم کی جانے والی سہولیات کا بھی جائزہ لیا۔ اے ڈی سی ریونیو نے دولت آباد، لکھا بنگلہ، لکھا سلدیرا، موضع جھیڈو اور دیگر علاقوں کا دورہ کرتے ہوئے کہا کہ دریائے ستلج میں پانی کی سطح بلند ہو رہی ہے، اس لیے متاثرہ آبادی بروقت انخلاء کو یقینی بنائے اور اپنے مال مویشیوں سمیت محفوظ مقامات یا خیمہ بستیوں میں منتقل ہو جائے۔انہوں نے کہا کہ وزیر اعلیٰ پنجاب مریم نواز شریف کی ہدایت پر سیلاب متاثرین کو تمام بنیادی سہولیات فراہم کی جا رہی ہیں۔ ریسکیو 1122، ریونیو، ہیلتھ، لائیو اسٹاک، پولیس، انہار اور دیگر محکمے متاثرین کی مدد کے لیے سرگرم ہیں، جبکہ ضلعی انتظامیہ بروقت انخلاء اور محفوظ مقامات تک منتقلی کے لیے دن رات کام کر رہی ہے۔اے ڈی سی ریونیو نے مزید بتایا کہ کسی بھی ناگہانی صورتحال سے نمٹنے کے لیے تمام ادارے چوکس ہیں اور انخلاء کے عمل کو تیز بنانے کے لیے مساجد میں مسلسل اعلانات کیے جا رہے ہیں