کراچی (نیشنل ٹائمز) گزشتہ دنوں ہونے والی موسلا دھار بارش میں شہریوں نے سیلابی صورتحال کے باعث نالے میں ڈوبتی بلی کو بچا لیا جس کی ویڈیو نے لاکھوں صارفین کے دل جیت لیے۔
حالیہ بارشوں کے بعد شہر کے نالوں میں تیز پانی کے بہاؤ کے دوران ایک بلی نالے میں گر گئی تھی۔عینی شاہدین کے مطابق بلی بہاؤ میں پھنس کر ڈوبنے لگی تو قریب موجود شہریوں نے فوری طور پر کارروائی کرتے ہوئے اسے بچا لیا۔دل کو چھو جانے والے یہ مناظر کسی راہگیر نے کیمرے میں محفوظ کر لیے، جو بعدازاں سوشل میڈیا پر وائرل ہوگئے۔صارفین کی بڑی تعداد نے ویڈیو پر کمنٹس کیے اور لوگوں کے اس اقدام کو سراہا جنہوں نے بے زبان جانور کی مدد کی۔شہریوں کی اس انسان دوستی اور جانور سے محبت کو دیکھ کر صارفین نے ان کی بھرپور تعریف کی اور اسے ایک قابلِ تقلید عمل قرار دیا۔