ویب ڈیسک(نیشنل ٹائمز) ڈی جی خان میں 3 بچیاں تالاب میں ڈوب کر جاں بحق ہوگئیں۔
پولیٹیکل اسسٹنٹ کے مطابق یہ افسوسناک واقعہ ڈی جی خان کے علاقے راکھی منہ میں پیش آیا جہاں 3 بچیاں تالاب میں ڈوب کر جاں بحق ہوگئیں۔پولیٹیکل اسسٹنٹ نے بتایا کہ بچیوں کی عمریں 8 سے 11 سال کے درمیان تھیں، بچیاں پانی بھرنے گئیں تو پیر پھسلنے سے تالاب میں گرگئیں۔پولیٹیکل اسسٹنٹ نے مزید بتایا کہ بچیوں کی لاشوں کو تالاب سے نکال کر منتقل کردیا گیا ہے۔