لاہور (نیشنل ٹائمز) پاکستان کی صف اول کی ٹک ٹاک اسٹار اور لالی ووڈ کی نئی ابھرتی ہوئی نوجوان اداکارہ جنت مرزا نے اپنی اور عمر بٹ کی شادی کے حوالے سے مداحوں کو اہم اطلاع دے دی۔حال ہی میں جنت مرزا نے فوٹو اینڈ ویڈیو شیئرنگ ایپ انسٹاگرام پر اپنے مداحوں کے لیے سوال و جواب کا ایک سیشن رکھا جس میں ان کے مداحوں نے ان سے مختلف سوالات کیے۔سوال و جواب کے اسی سیشن کے دوران جنت مرزا کی قریبی دوست سارہ چوہدری نے ان سے سوال کیا کہ آپ شادی کب کررہی ہیں؟ ہم انتظار کررہے ہیں۔سارہ چوہدری کے سوال کا جواب دیتے ہوئے جنت مرزا نے کہا کہ بس 2 سال اور پھر شادی کرلوں گی۔جنت مرزا نے بتایا کہ انہیں 2 سال بعد گریجویشن کی ڈگری مل جائے گی جس کے بعد وہ اور عمر بٹ شادی کرلیں گے۔خیال رہے کہ جنت مرزا ویڈیو شیئرنگ ایپلیکیشن ٹک ٹاک پر سب سے زیادہ 16 ملین فالوورز رکھنے والی پہلی پاکستانی ٹک ٹاک اسٹار ہیں۔