وہاڑی (محمد یوسف بھٹی) گورنر پنجاب سردار سلیم حیدر نے کہا ہے کہ پاکستان پیپلز پارٹی نے ہمیشہ کاشتکاروں کے حقوق کی بات کی ہے اور ان کی خوشحالی کو اپنی اولین ترجیحات میں شامل رکھا ہے، جبکہ بدقسمتی سے موجودہ پنجاب حکومت کسانوں کے مسائل پر مکمل طور پر بے حس نظر آتی ہے۔انہوں نے یہ باتیں گزشتہ روز وہاڑی میں ترقی پسند کاشتکار چوہدری فیصل کمبوہ کی قیادت میں کسانوں کے ایک وفد سے ملاقات کے دوران کہیں۔ گورنر پنجاب سلیم حیدر نے کہا کہ پیپلز پارٹی نے ہمیشہ کسان دوست پالیسیاں متعارف کرائیں، کھاد، بیج اور زرعی ادویات کی بروقت فراہمی سمیت بجلی کے ٹیوب ویل کے نرخوں میں ریلیف دیا۔
انہوں نے کہا کہ آج بھی کسانوں کو اپنی محنت کا پورا معاوضہ نہیں مل رہا، گنے، گندم اور کپاس سمیت دیگر فصلوں کے ریٹ کسان کی لاگت سے بھی کم دیے جا رہے ہیں جس پر موجودہ پنجاب حکومت کی خاموشی افسوسناک ہے۔