لاہور(نیشنل ٹائمز)انسداد دہشتگردی عدالت نے 9 مئی کو جناح ہاؤس کے قریب پولیس گاڑیاں جلانے کے مقدمے میں پی ٹی آئی رہنماؤں کی ضمانت کی درخواستیں خارج کردیں۔
لاہور کی انسداد دہشتگردی کی عدالت کے جج منظر علی گل نے جناح ہاؤس کے قریب پولیس کی گاڑیاں جلانے کے مقدمے کی سماعت کی جس میں تحریک انصاف کے رہنماؤں نے ضمانت کی درخواستیں دائر کررکھی تھیں۔عدالت نے میں ضمانت کی درخواستوں پر فریقین کے دلائل مکمل ہونے کے بعد فیصلہ سنایا اور شاہ محمود قریشی، عمر سرفراز چیمہ اور میاں محمود الرشید کی ضمانت کی درخواستیں خارج کر دیں۔پی ٹی آئی کے ان رہنماؤں پر الزام ہے کہ انہوں نے 9 مئی کو بانی پی ٹی آئی عمران خان کی گرفتاری کے بعد مبینہ طور پر پرتشدد مظاہروں کی قیادت کی اور سرکاری و نجی املاک کو نقصان پہنچایا۔