پشاور (نیشنل ٹائمز)تحصیل خار ہیڈ کوارٹر باجوڑ کے قریب اے این پی رہنما مولانا خان زیب کے قتل کے واقعے پر رپورٹ سینٹرل پولیس آفس کو ارسال کردی گئی۔
رپورٹ کے مطابق مولانا خان زیب امن مارچ سےگھر کی طرف آرہے تھے جس دوران ناواگئی کے علاقے میں ان پر فائرنگ کی گئی۔رپورٹ میں بتایا گیا ہے کہ 2 موٹرسائیکلوں پر سوار 5 افراد نےفائرنگ کی جس کے نتیجے میں مولانا خان زیب اور کانسٹیبل شیر زادہ شہید ہوئے جب کہ فائرنگ کے واقعے میں3 افراد زخمی بھی ہوئے، واقعے کی جگہ سے گولیوں کے 35 خول برآمد ہوئے۔اس واقعے کا مقدمہ خار کے ایس ایچ او کی مدعیت میں تھانہ سی ٹی ڈی خار باجوڑ میں درج کیا گیا ہے۔یاد رہے کہ گزشتہ روز نامعلوم افراد کی فائرنگ سے مولانا خان زیب جاں بحق ہوگئے تھے۔مولانا خان زیب 13 جولائی کو ہونے والے امن مارچ کے سلسلے میں مہم پر تھے، وہ اے این پی کی علماء کونسل کے سربراہ اور قومی اسمبلی کے سابق امیدوار تھے۔