ویب ڈیسک(نیشنل ٹائمز)تحریک انصاف کے بانی عمران خان کے بیٹوں کا پاکستان آکر جدوجہد میں حصہ لینے کا معاملہ کھٹائی میں پڑ گیا۔
پاکستان میں جاری دھواں دار بحث کرنے والے مکمل لا علم ہیں جب کہ جمائمہ نے خوفزدگی کا ٹوئٹ جاری کردیا اور انہیں اپنے بچوں کی سلامتی کے بارے میں تشویش ہو گئی ہے۔امریکی ویزا حاصل کرنے کے لیے درخواست تاحال دائر نہیں کی گئی اور نہ کسی پروگرام کا اعلان کیا گیا ہے، ان کے پاس پاکستان کا پاسپورٹ یا کوئی شناختی کارڈ ہونے کی تصدیق نہیں ہوسکی ہے۔پاکستان کے ویزے کے لیے لندن ہائی کمیشن سے رابطہ نہیں کیا گیا، ویزا سیکشن درخواست ملنے پر فیصلہ کرے گا۔ ویزا اجرا کے لیے وقت کی کوئی بندش نہیں اور ویزا درخواست منظور یا مسترد کرنے کا ویزا سیکشن کو مکمل اختیار حاصل ہے۔گولڈ اسمتھ ہاؤس سے ویزے کے لیے ہائی کمیشن سے کوئی رابطہ نہیں کیا گیا جب کہ امریکا میں کسی احتجاج یا اجتماع کے لیے کو ئی درخواست انتظامیہ کو نہیں ملی۔