کوئٹہ (نیشنل ٹا ئمز ) بلوچستان میں کورونا سے متعلق قائم آپریشن سیل نے کہا ہے کہ جولائی میں کیسز رپورٹ ہونے کی شرح 8فیصد ہوگئی، جولائی کے پہلے10روز میں685 کورونا کیسز رپورٹ ہوئے۔ اعدادوشمار میں کہا گیا ہے کہ 24گھنٹے میں کورونامثبت کیسز کی شرح9.43فیصد رہی، صوبے میں7اضلاع سیکورونا وائرس کے98کیسز سامنے آئے، بلوچستان میں کوروناوائرس کیسز کی مجموعی تعداد 27961ہوگئی۔ کوئٹہ میں کیسز 8اعشاریہ 3فیصدشرح سے رپورٹ ہوئے۔ آپریشن سیل کے مطابق تربت میں 36فیصدشرح سے11کیسزرپورٹ ہوئے، 24گھنٹے میں 25اضلاع میں کورونا کا کوئی ٹیسٹ نہیں ہوا۔ دوسری جانب ملک میں کرونا وائرس کے نئے کیسز کی یومیہ تعداد ایک بار پھر 1 ہزار سے تجاوز کر گئی، ملک میں اب تک 37 لاکھ افراد ویکسی نیشن کروا چکے ہیں۔