راولپنڈی (نیشنل ٹائمز) سابق فوجیوں کی تنظیم پاکستان ایکس سروس مین سوسائٹی نے نو مئی کے ملزمان کو سزائیں سنائے جانے کا خیرمقدم کرتے ہوئے مطالبہ کیا ہے کہ سانحہ نو مئی کے ماسٹر مائینڈ کا کیس بھی فوری طورسن کر سزا سنائی جائے، ہم عدلیہ کے شکر گزار ہیں جس نے نو مئی کے چند ملزمان کو کیفر کردار تک پہنچایا ہے، ایکس سروس مین سوسائٹی کے چیف آرگنائزر عزیز احمد اعوان نے کہا ہے کہ جب تک فوجی ہیڈ کوارٹرز،جناع ہائوس سمیت سرکاری املاک کو نقصان پہنچانے،فوج کے خلاف نفرت اور ملک میں بغاوت پھیلانے کی سازش کرنے والوں کو ان کے ماسٹر مائینڈ سمیت سزا نہیں ہو جاتی ہم چین سے نہیں بھیٹیں گے ، ملک دشمن عناصر کے خلاف ایکس سروس مین سوسائٹی نے جو جدوجہد شروع کی وہ جاری رہے گی انہوں نے کہا کہ اس ملک کی بنیادوں میں دفاع وطن کرنے والے شہیدوں کا لہو ہے اور ہم شہیدوں کے وارث ہیں ،فوجی تنصیبات سمیت قومی املاک کو نقصان پہنچانے والے واضح طور پر ملک دشمن ایجنڈے پر کام کر رہے ہیں جن کو کسی بھی صورت معاف نہیں کیا جا سکتا عزیز احمد اعوان نے کہا کہ یہ جماعت آرمی چیف کے خلاف زہریلا پرپیگنڈا کرتی رہی لیکن قوم نے ان کے طرز سیاست کو مسترد کرتے ہوئے چیف آف آرمی سٹاف جنرل سید عاصم منیر کو فیلڈ مارشل کا اعزاز بخش دیا انہوں نے کہا کہ ہم سمجھتے ہیں کہ سانحہ نو مئی کے بعد ہی دشمن کو اتنی جرات ہوئی کہ اس نے پاکستان پر حملہ کیا اور ہماری بہادر افواج سے شکست کھائی ،انہوں نے کہا کہ سیاسی لبادہ اوڑھ کر منافرت پھلانے اور قوم کو تقسیم کرنے والی جماعت کو ہر فورم پر شکست کا سامنا کرنا پڑ رہا ہے اور جنگ مئی کے دوران ان کے کردار کو دیکھ کر ہر پاکستانی نے ان کا اصل چہرہ پہچان لیا ہے