بیجنگ (شِنہوا) چین کی قومی امیگریشن انتظامیہ (این آئی اے) نے آمدہ ڈریگن کشتی تہوار کے دوران ملک بھر میں یومیہ اوسطاً 21 لاکھ 50 ہزار سرحد پار دوروں کی پیش گوئی کی ہے جو گزشتہ برس کی تعطیلات کے مقابلے میں 12.2 فیصد زائد ہے۔
یکم جون کو سرحد پار دوروں میں عروج متوقع ہے۔
ڈریگن کشتی تہوار کو عام طور پر دوآن وو تہوار بھی کہا جاتا ہے جو کہ چینی قمری کیلنڈر کے 5 ویں ماہ کی 5 تاریخ کو منایا جاتا ہے ۔ رواں سال یہ 31 مئی کو ہوگا جس کی تعطیلات 31 مئی سے 2 جون تک جاری رہیں گی۔
شنگھائی پودونگ ین الاقوامی ہوائی اڈے پر 1 لاکھ یومیہ سرحد پار دورے متوقع ہیں ۔ اس کے ساتھ ساتھ بڑے ہوابازی مراکز سے مسافروں کی آمدورفت میں بھی اضافے کی توقع کی جارہی ہے۔
ڈریگن کشتی تہوار کی تعطیلات کے دوران صوبہ گوانگ ڈونگ، ہانگ کانگ اور مکاؤ میں متعدد ڈریگن کشتی مقابلوں اور دیگر تقریبات کا انعقاد کیا جائے گا۔
یکم جون کو یوم اطفال اوراختتام ہفتہ کی تعطیل کے سبب چینی مین لینڈ سے باہر سفر کے علاوہ ہانگ کانگ اور مکاؤ کے رہائشیوں کے مقامی دوروں میں بھی اضافہ متوقع ہے۔
ہانگ کانگ اور مکاؤ کو ملانے والی زمینی سرحدی گزرگاہوں سے ٹریفک میں قابل ذکر اضافہ متوقع ہے۔ توقع ہے کہ شین زین شہر میں لوہو بندرگاہ سے یومیہ اوسطاً 2 لاکھ 30 ہزار دورے ہوں گے جبکہ ژو ہائی شہر کی گونگ بے گزرگاہ سے یومیہ اوسطاً 3 لاکھ 67 ہزار دورے متوقع ہیں۔