اسلام آباد (نیشنل ٹائمز) غیر ملکی خبر رساں ادارے کے مطابق برطانیہ اور آئر لینڈ کی فلم، ٹی وی اور تخلیقی انڈسٹری سے منسلک 116 تخلیق کاروں کا کہنا ہے کہ برطانوی وزیراعظم غزہ میں جاری مظالم کیخلاف کھڑے ہوں،حمایت میں صرف بیان کافی نہیں، ہمیں اقدامات دیکھنے ہیں۔برطانوی وزیراعظم کےنام لکھے گئے کھلےخط میں غزہ میں برطانوی اجزا سے تیارکردہ 2ہزار پاؤنڈ بم گرانے کا بھی ذکر کرتے ہوئے کہا گیا کہ آپ جانتےہیں کیا ہو رہا ہے، آپ کی حکومت غزہ میں جاری نسل کشی رکوانے میں ناکام رہی ہے؟ مزید برآں تخلیق کاروں نے برطانیہ سے عالمی فوجداری عدالت کی تحقیقات میں تعاون کرنے کا مطالبہ بھی کیا ہے۔