کراچی(نیشنل ٹائمز) نویں جماعت کے امتحانات کا آغاز میٹرک کی طرح نویں جماعت کا پہلا پرچہ بھی سوشل میڈیا پر آگیا اور دفعہ 144 کے باوجود طلبا نقل کرنے میں مصروف ہیں۔ تفصیلات کے مطابق کراچی میٹرک بورڈ کے تحت جمعرات سے نویں جماعت کے پرچوں کا آغاز ہوگیا تاہم سندھ میں امتحانات کے نام پر مذاق جاری ہے اور میٹرک انتظامیہ نقل مافیا کو لگام دینے میں ناکام ہے۔ سندھ میں میٹرک کے بعد جمعرات کو نویں جماعت سائنس گروپ کے ریاضی کا پرچہ لیا امتحانات کے دوران کراچی میں دفعہ ایک سوچوالیس بھی کام نہ آئی اور میٹرک کی طرح نویں جماعت کا پرچہ بھی امتحان شروع ہونے سے آدھاگھنٹہ قبل ہی سوشل میڈیا پر آگیا۔ دوسری جانب اندرون سندھ میں نویں جماعت کا بائیولوجی کا پرچہ شروع ہونے سے پہلے ہی آٹ ہوگیا، جس کے بعد نقل مافیاواٹس ایپ سے ہی جواب بھیجتے رہے اور سوشل میڈیا سے جواب طلبا چھاپتے رہے۔ نوشہروفیروزمیں بھی دفعہ ایک سوچوالیس کے باوجود طلبا نے خوب نقل کی جبکہ میرپور خاص تعلیمی بورڈکیزیر اہتمام نویں جماعت کیفزکس کے پرچے میں نقل مافیا نے آدھے گھنٹے میں حل شدہ پرچہ امتحانی مراکزمیں پہنچا دیے اور دفعہ 144نافذ ہونے کے باوجود فوٹواسٹیٹ کی دکانیں کھلی ہوئی ہیں۔