اسلام آباد (نیشنل ٹائمز)لاہور پولیس عمران خان کا پولی گراف ٹیسٹ کرنے اڈیالہ جیل پہنچی۔ ذرائع کے مطابق لاہور پولیس کی ٹیم ڈی ایس پی آصف جاوید کی سربراہی میں بانی پی ٹی آئی سے تفتیش کےلیے اڈیالہ جیل پہنچی تھی۔ذرائع نے بتایا کہ تفتیشی ٹیم میں انسپکٹر محمد اسلم، انسپکٹر محمد عالم اور انسپکٹر محمد ارحم سمیت پنجاب فارنزک یونٹ کے عابد ایوب بھی شامل تھے۔ذرائع کے مطابق عمران خان نے جھوٹ پکڑنے کا ٹیسٹ کرانے سے انکار کردیا۔ ذرائع کا کہنا ہے کہ بانی پی ٹی آئی نے وکلا کی غیر موجودگی میں ٹیسٹ کرانے سے انکار کیا، جیل عملہ بانی پی ٹی آئی کو سیل میں بلانے کے لیے گیا لیکن وہ نہیں آئے۔
عمران خان نے اڈیالہ جیل میں پولی گراف ٹیسٹ کرانے سے انکار کردیا
