اقوام متحدہ (شِنہوا) چین نے عالمی برادری پر زور دیا ہے کہ وہ غزہ میں انسانی المیہ ختم کرنے کے لئے فوری اقدامات کرے۔
اقوام متحدہ میں چین کے مستقل مندوب فو کانگ نے سلامتی کونسل کے اجلاس میں کہا کہ غزہ ایک زندہ جہنم بن چکا ہے، اسرائیل کی مسلسل بمباری اور چھاپوں سے روزانہ شہری جاں بحق ہورہے ہیں۔
غزہ میں تقریباً 5لاکھ افراد بھوک کی تباہ کن صورتحال کا سامنا کررہے ہیں جس کا تذکرہ کرتے ہوئے فو نے اسرائیل پر زور دیا کہ وہ عالمی انسانی قانون کی پاسداری کرے اور خوراک، ادویات اور دیگر اہم سامان کی بلا روک ٹوک رسائی کی اجازت دینے کے لئے ناکہ بندی ختم کرے۔
فو نے انسانی ہمدردی کارکنوں کے تحفظ اور ان کی ہلاکتوں کے احتساب پر بھی زور دیتے ہوئےنشاندہی کی کہ تنازع میں 400 سے زائدامدادی کارکن مارے جا چکے ہیں، انہوں نے انسانی اداروں کے تحفظ کی ضرورت پر زور دیا۔
فو نے کہا کہ چین اسرائیل پر زور دیتا ہے کہ وہ غزہ کے خلاف اپنی فوجی کارروائیاں فوری طور پر بند کرے۔ فوجی کارروائی تنازع حل نہیں کرسکتی، یہ صرف انسانی بحران کو طول دے گی۔