پیانگ یانگ(شِنہوا)عوامی جمہوریہ کوریا (ڈی پی آر کے) کے 5 ہزار ٹن وزنی نئے طرز کے تباہ کن بحری جہاز چھوئے ہیون نے اس ہفتے اپنے ہتھیاروں کے نظام کا پہلا تجربہ کیا جس کی نگرانی ملک کے اعلیٰ رہنما نے کی۔
سرکاری کورین سنٹرل نیوز ایجنسی(کے سی این اے) نے بتایا کہ سپرسانک کروز میزائلوں، سٹریٹجک کروز میزائلوں، طیارہ شکن میزائلوں اور بحری جہاز پر نصب 127 ملی میٹر کی خودکار توپوں کا تجربہ کیا گیا۔
ورکرز پارٹی آف کوریا کے جنرل سیکرٹری اور ڈی پی آر کے کے ریاستی امور کے صدر کم جونگ ان نے طاقتور حملہ کرنے کی صلاحیت کی بنیاد پر متحرک اور جارحانہ دفاعی نظام قائم کرنے کی اہمیت پر زور دیا۔
کے سی این اے کی رپورٹ کے مطابق بحری جہاز سے دوسرے جہاز پر مار کرنے والے ٹیکٹیکل گائیڈڈ ہتھیاروں کے ساتھ ساتھ مختلف اقسام کی خودکار بحری توپوں، دھوئیں والے نظاموں اور الیکٹرانک جیمنگ گنز کا تجربہ کیا گیا۔