اسلام آباد(نیشنل ٹائمز) مسلم لیگ ن کی نائب صدر مریم نواز نے کہا ہے کہ آزاد کشمیر میں شفاف انتخابات ہوئے تو مسلم لیگ ن اکثریت سے کامیاب ہو گی۔مسلم لیگ ن کی نائب صدر مریم نواز اور ان کے شوہر کیپٹن ریٹائر محمد صفدر اسلام آباد ہائی کورٹ میں پیش ہوئے۔ اس موقع پر مسلم لیگ ن کے دیگر رہنما بھی اسلام آباد ہائی کورٹ کے باہر موجود تھے۔مسلم لیگ ن کی نائب صدر مریم نواز نے کہا کہ پی ڈی ایم کے جلسے میں شہباز شریف شریک ہوئے تھے اور وہ مسلم لیگ ن کی طرف سے نمائندگی کر رہے تھے۔انہوں نے کہا کہ مجھے کشمیر انتخابات کی مہم کی ذمہ داری دی گئی ہے اس لیے میں وہاں مصروف ہوں جس کی وجہ سے میں پی ڈی ایم کے اجلاس میں شریک نہیں ہوئی۔مریم نواز نے کہا کہ اگر آزاد کشمیر انتخابات میں شفاف انتخابات ہوئے تو مسلم لیگ ن اکثریت سے کامیاب ہو گی لیکن عوام کو اس وقت انتظامیہ پر اعتماد نہیں ہے۔