اسلام آباد(نیشنل ٹائمز) پاکستان اٹامک انرجی کمیشن نے کورنگی میں لگنے والی آگ کا سروے بھی کیا ہے۔سی ای او کورنگی کنٹونمنٹ کا کہنا ہے کہ آگ اب بھی اسی شدت کے ساتھ جاری ہے تاہم اس کے پھیلاؤ کو روکا جا چکا ہے۔حکام کا کہنا ہے کہ مزید منرل ٹیسٹ کے لیے اداروں سے رابطہ کر لیا گیا ہے، وزارت پیٹرولیم نے میتھین گیس کی جانچ کے لیے کمیٹی تشکیل دے دی ہے۔سی ای او کورنگی کنٹونمنٹ کے مطابق تمام 6کنٹونمنٹ بورڈز کے فائر ٹینڈرز موقع پر موجود ہیں، آگ کے اطراف 500 میٹر کے علاقے کو سیل کر دیا گیا ہے۔یاد رہے کہ کراچی کے علاقے کورنگی میں آگ لگنے کے مقام سے لیے گئی پانی کے نمونوں کی کیمیائی تجزیاتی رپورٹ میں ہائیڈروکاربن کی مقدار طے شدہ حد سے کم نکلی تھی۔ابتدائی کیمیائی تجزیاتی رپورٹ کے مطابق پانی میں بینزین (Benzene)، ٹولوین (Toluene)، اور ٹیٹرا کلوروتھین (Tetrachloroethane) کی زائد مقدار پائی گئی ہے جبکہ او زائلین (o-Xylene) بھی معمولی مقدار میں زائد پایا گیا تھا۔