کراچی (نیشنل ٹائمز) اداکارہ زارا نور عباس نے مرد اور عورت کی برابری کے حوالے سے سوال پر اپنا واضح موقف پیش کردیا۔ زارا نے اپنی حالیہ انسٹاگرام اسٹوری میں لکھا کہ مرد اور عورت کا معاشرے میں الگ الگ مقام ہے۔زارا نور نے لکھا کہ معاشرے میں ہمیشہ ہی عورت کو امتیازی سلوک کا سامنا نہیں کرنا پڑتا ہاں مگر ان سے سوال کیا جاتا ہے۔اداکارہ نے لکھا کہ مرد ان سوالوں سے آزاد ہے اور ایسا صرف یہاں نہیں بلکہ پوری دنیا میں ہی ہے۔زارا نور کے مطابق، مرد اور عورت کبھی برابر نہیں ہوسکتے کیونکہ دونوں کا ہی معاشرے میں الگ اپنا ایک مقام ہے۔