اسلام آباد(نیشنل ٹائمز)وزیر اعظم نیتن یاہو نے امریکی میڈیا کو انٹرویو دیتے ہوئے کہا کہ ٹرمپ اسرائیل اور امریکا کے اتحاد کو مزید مضبوط بنا رہےہیں، ٹرمپ کی قیادت میں اب اسرائیل کا امریکا سے بہتر کوئی دوست نہیں۔نیتن یاہو کا کہنا تھا کہ ایران کو کبھی بھی جوہری ہتھیار رکھنے کی اجازت نہ دینے پر ٹرمپ اور ہم متفق ہیں۔اس کے علاوہ اسرائیلی وزیر اعظم نیتن یاہو نے کہا کہ ہمیں حماس کی باقیات کو بھی ختم کرنا ہوگا، صدر ٹرمپ کے ساتھ مل کر ہم تاریخ بدل سکتے ہیں۔اسرائیلی وزیراعظم کا کہنا تھا کہ ٹرمپ کے ساتھ مل کر ہم مزید امن معاہدے اور ایک وسیع تر اور دیرپا امن حاصل کر سکتے ہیں۔