اسلام آباد(نیشنل ٹائمز)اقتصادی رابطہ کمیٹی (ای سی سی)نے یوٹیلٹی اسٹورز کی 5اشیا پر سبسڈی کی مدت میں 15دن کی توسیع کردی ، تفصیلات کے مطابق پیر کو اسلام آباد میں وفاقی وزیرخزانہ شوکت ترین کی زیرصدارت کابینہ کی اقتصادی رابطہ کمیٹی کا اجلاس ہوا، اجلاس میں یوٹیلٹی اسٹورز کی 5اشیا پر سبسڈی کی مدت میں 15دن کی توسیع کا فیصلہ کیا گیا،جن 5اشیا پر سبسڈی کی مدت میں 15دن کی توسیع کی گئی ہے ان میں چینی، آٹا،گھی، دالیں اور چاول شامل ہیں، وزارت صنعت و پیداوار نے سبسڈی میں اگلے 6ماہ کی توسیع کا مطالبہ کیا تھا،ای سی سی نے 6ماہ کی سبسڈی کے معاملے پر غور کے لیے کمیٹی قائم کردی ،یہ کمیٹی صورت حال کا تجزیہ کرکے سفارشات پیش کرے گی،اجلاس میں ای سی سی نے وزارت داخلہ سمیت محتلف محکموں کے لیے ضمنی گرانٹس کی منظوری بھی دے دی۔