اسلام آباد(نیشنل ٹائمز)پاکستان نے کوارٹر فائنل میں جنوبی افریقا کو 17 رنز سے شکست دی۔پاکستان نے پہلے بیٹنگ کرتے ہوئے مقررہ 6 اوورز میں تین وکٹوں کے نقصان پر 105 رنز بنائے، محمد اخلاق نے 16 گیندوں پر 53 رنز کی اننگز کھیلی جبکہ حسین طلعت نے 11 گیندوں پر 27 رنز بنائے۔106 رنز کے جواب میں جنوبی افریقی ٹیم چار وکٹ پر 88 رنز بنا سکی، پاکستان کی جانب سے حسین طلعت نے 2 کھلاڑیوں کو آوٹ کیا۔ہانگ کانگ سپر سکسز کے سیمی فائنل اور فائنل کل کھیلے جائیں گے۔پاکستان نے گزشتہ روز کھیلے گئے میچ میں روایتی حریف بھارت کو بھی شکست دی تھی۔