اسلام آباد (نیشنل ٹائمز) سابق وفاقی وزیر محمد علی درانی نے کہا ہے کہ پی ٹی آئی کی فائر وال عوام ہیں ان کے ہوتے ان کو کوئی کچھ نہیں کہہ سکتا، موجودہ حکومت کاکوئی مستقبل نظرنہیں آتا،یہ اپنے خاتمے کی طرف بڑھ رہی ہے۔ ایک انٹرویو میں محمد علی درانی نے فیض حمید اور دیگر کی گرفتاریوں کے حوالے سے کہا فیض حمید سمیت دیگرگرفتاریاں ادارہ جاتی ہیں جس سے ادارے مضبوط ہوتے ہیں، یہ گرفتاریاں جس وجہ سے بھی ہیں اس کا پی ٹی آئی یا سیاست پرکوئی منفی اثرنہیں پڑے گا۔ان کا کہنا تھا کہ انکوائری ہوئی تو پی ٹی آئی اوران کے بانی کوفائدہ ہوگا اور ان کی رہائی قریب آجائیگی، پی ٹی آئی اوراپوزیشن محفوظ ہیں حکومت والے ایکسپوزہوچکے ہیں۔ انھوں نے کہا کہ پی ٹی آئی کی فائروال عوام ہیں ان کے ہوتے پی ٹی آئی کوکوئی کچھ نہیں کہہ سکتا۔سابق وزیر کا کہنا تھا کہ عدالتوں نے جو مثبت اقدامات کئے اس سے ملک میں کولنگ اثرات پیداہوئے، حکومت اگرعدالت سے اورعدالت اگرانصاف سے لڑے گی توانارکی پیدا ہوگی۔انھوں نے خبردار کیا اگریہ کسی ترمیم سے عدالتوں پراثراندازہوں گے تو خدا کی قسم ملک کونقصان ہوگا، حکومت ہوش کے ناخن لے،عوام سے نہ کھیلے، آگ سے کوئی نہیں کھیلتا۔سابق وفاقی وزیراطلاعات نے زور دیا کہ الیکشن سے پہلے تمام سیاسی جماعتوں کو شفاف انتخابات کیلیے ایجنڈا بناناہوگا۔ان کا کہنا تھا کہ 8 فروری کوعوام نے پیغام دیدیااپنے ووٹ کو عزت دلوائیں گے، جوبغیرووٹ کے بنے ہیں وہ اب رہ نہیں سکیں گے۔ یہ حکومت ڈلیورنہیں کررہی،زیادہ دنوں تک قائم نہیں رہ سکے گی، یہ وہ حکومت ہے جن کانہ آناان کے لئے زیادہ عزت کاباعث ہوناتھا، شہبازشریف وزیراعظم نہیں صرف وزارت عظمی کا بیج لگایاہواہے۔ انھوں نے بتایا کہ سیاسی قائدین نے مجھیک ہاحکومت کیساتھ جاناتوآپشن ہی نہیں، سب کہتے ہیں حکومت کیساتھ جانے کا مطلب عوام میں منہ کالاکراناہے، نیاسسٹم کوئی نہیں،ٹیکنوکریٹ بیروزگارہوتے ہیں نوکری کی خواہش رکھتے ہیں۔سابق وفاقی نے کہا کہ حکومت اورفوج ایک ہی ہوتے ہیں، اس لئے ایک پیج والاحکومتی بیانیہ غلط ہے، حکومتی پارٹی،فوج ایک پیج پر نہیں ہوتے اورنہ ہی حکومتی پارٹی کا فوج سے تعلق ہے۔ان کا مزید کہنا تھا کہ کیا یہ کہناچاہتے ہیں کہ فوج کااپوزیشن سے تعلق ہی نہیں، عوام،سیاستدان،ادارے ا ورفوج سب ایک پیج پرہیں، انہوں نے 54سال اداروں کواپنی سیاست کیلیے استعمال کیا، اداروں کو حکومت کیساتھ بیٹھنا پڑتا ہے اسکایہ مطلب نہیں تمہیں فرشتہ سمجھا جاتا ہے۔