راولپنڈی (نیشنل ٹائمز) عمران خان کی سہولت کاری کا الزام، ڈپٹی سپرٹنڈٹ اڈیالہ جیل کو گرفتار کر لیا گیا، محمد اکرم کو سیکورٹی اداروں نے حراست میں لے لیا، آئی جی جیل خانہ جات پنجاب کو حراست سے متعلق آگاہ کر دیا گیا۔ تفصیلات کے مطابق سکیورٹی اداروں نے ڈپٹی سپرنٹنڈنٹ اڈیالہ جیل محمد اکرم کو حراست میں لیا، ڈپٹی سپرنٹنڈنٹ اڈیالہ جیل کو اختیارات سے تجاوز کرنے کے الزام میں گرفتار کیا گیا۔

ڈپٹی سپرنٹنڈنٹ اڈیالہ جیل محمد اکرم پر بانی پی ٹی آئی عمران خان کی سہولت کاری کا الزام ہے، عمران خان کیلئے پیغام رسانی کا بھی الزام ہے، سکیورٹی اداروں کی جانب سے آئی جی جیل خانہ جات کو آگاہ کر دیا گیا، محمد اکرم کو پہلے ہی عہدے سے ہٹا دیا گیا تھا۔ حساس اداروں کی جانب سے ڈپٹی سپرنٹنڈنٹ اڈیالہ جیل محمد اکرم کیخلاف تحقیقات جاری ہے، تحقیقات کے بعد محکمانہ کارروائی کی جائے گی۔ مزید بتایا گیا ہے کہ اڈیالہ جیل میں تعینات رہنے والے ایک اور افسر سے اختیارات سے تجاوز کے الزامات کے حوالے سے تفتیش کی جا رہی ہے۔ مذکورہ افسر کو بنا اجازت شہر سے باہر جانے سے روک دیا گیا ہے۔