اسلام آباد (نیشنل ٹائمز) پی ٹی آئی کے رہنما اسد قیصر نے کہا ہے کہ عدالتیں جعلی نمائندوں سے ہماری جان چھڑائیں گی، مینڈیٹ چوروں کی اپنی بیویاں اور بچے انہیں پارلیمنٹیرین نہیں مانتے۔ نجی ٹی وی سے گفتگو کرتے ہوئے کہا کہ یہ اسمبلی اجلاس بلالیں اور قرارداد پاس کردیں،ن لیگ کے 17 ایم این ایز کے علاوہ کسی کا ووٹ ہم تسلیم نہیں کریں گے ۔انہوںنے کہا کہ نئے الیکشن کے بیان پرحافظ نعیم الرحمان سے بات کروں گا، عدالتوں نے جرات و بہادری دکھائی۔ امید ہے کہ عدالتیں جعلی نمائندوں سے ہماری جان چھڑائیں گی۔اسد قیصر نے کہا کہ یہ عوامی نمائندے نہیں ، ہم انہیں تسلیم نہیں کریں گے، انہوں نے دعویٰ کیا کہ دسمبر میں تحریک انصاف کی حکومت بنے گی اور بانی پی ٹی آئی وزیراعظم ہوں گے۔