لاہور(نیشنل ٹائمز)سٹیج آرٹسٹ طاہر انجم پر تشدد کرنے والی خاتون انیلہ ریاض کو پولیس نے گرفتار کرلیا،پنجاب اسمبلی کے سامنے اسٹیج اداکار طاہر انجم پر تشدد کا مقدمہ پولیس نے انیلہ ریاض اور ان کے نامعلوم ساتھیوں کیخلاف درج کرلیا ۔ایف آئی آر کے متن کے مطابق گذشتہ روز پنجاب اسمبلی کے باہر پی ٹی آئی بھوک ہڑتالی کیمپ کے سامنے گزرتے ہوئے اسٹیج اداکار طاہر انجم پرتشدد کیا گیا اور ان کے کپڑے بھی پھاڑ دئیے گئے تھے جبکہ انہیں جان سے بھی مارنے کی دھمکیاں دی گئیں تھیں۔
پولیس نے اداکار طاہر انجم کی درخواست پر مقدمہ درج کیا۔تھیٹر اداکار طاہر انجم پنجاب اسمبلی کے باہر سے گزر رہے تھے تو پی ٹی آئی کے بھوک ہڑتالی کیمپ میں شریک خاتون نے طاہر انجم کودیکھتے ہی ان کو تھپڑ مارے اور کپڑے بھی پھاڑ دیئے تھے۔

یاد رہے کہ گزشتہ روز پنجاب اسمبلی کے باہر تحریک انصاف کے بھوک ہڑتالی کیمپ میں شریک پی ٹی آئی کی خاتون ورکر نے سٹیج آرٹسٹ طاہر انجم کو تشدد کا نشانہ بنایا تھا۔

طاہر انجم پنجاب اسمبلی کے باہر سے گزر رہے تھے تو انہوں نے پی ٹی آئی کے بھوک ہڑتالی کیمپ کی ویڈیو بنائی جس پرکیمپ میں شامل خاتون نے انہیں دیکھتے ہی ان پر تھپڑوں اور مکوں کی بارش کر دی تھی۔پی ٹی آئی کی خاتون ورکر نے اداکار کے کپڑے پھاڑ دئیے۔ پی ٹی آئی ورکر نے الزام لگایاتھاکہ طاہر انجم نے بانی پی ٹی آئی عمران خان کو دہشت گرد کہا۔بعد ازاں وہاں موجود لوگوں نے بڑی مشکل سے اداکارطاہر انجم کو وہاں سے نکالا۔
تشدد کرنے والی پی ٹی آئی کی خاتون ورکر کا نام انیلا ریاض ہے جبکہ اداکار طاہر انجم مسلم لیگ ن کلچر ونگ پنجاب کے صدر ہیں۔اس موقع پرگفتگو کرتے ہوئے سٹیج آرٹسٹ طاہر انجم کا کہنا تھا کہ میں یہاں سے گزر رہا تھا پی ٹی آئی کے لوگوں نے حملہ کردیا تھا۔پی ٹی آئی کارکن نیلی پری کے تشدد سے میرا دانت ٹوٹ گیاتھا اگر کوئی مرد ہوتا تو اس کو جواب دیتا۔خاتون کی وجہ سے خاموش رہا۔ میں صرف ویڈیو بنا رہا تھا جس پر نیلی پری نے حملہ کردیا،میں قانونی کارروائی ضرور کروں گا۔