اسلام آ باد (نیشنل ٹائمز) انسداد دہشت گردی عدالت نے پی ٹی آئی کوآرڈینیٹر احمد وقاص جنجوعہ کا 7 دن کا جسمانی ریمانڈ منظور کرتے ہوئے 29 جولائی کو دوبارہ عدالت پیش کرنے کا حکم دیدیا ۔پیر کو پی ٹی آئی کوآرڈینیٹر احمد وقاص جنجوعہ کو انسداد دہشت گردی عدالت کے جج طاہر عباس سپرا کی عدالت میں پیش کیا گیا ۔ دوران سماعت تفتیشی افسر نے احمد وقاص جنجوعہ کے 15 روزہ جسمانی ریمانڈ کی استدعا کرتے ہوئے عدالت کو بتایا کہ احمد وقاص جنجوعہ سے گرفتاری کے وقت دھماکہ خیز مواد برآمد ہوا ، کالعدم تنظیموں سے تعلقات اور مزید تفتیش اور ریکوری کیلئے ملزم کا جسمانی ریمانڈ دیا جائے ۔ عدالت نے احمد وقاص جنجوعہ کا 7 دن کا جسمانی ریمانڈ منظور کرتے ہوئے احمد وقاص جنجوعہ کو 29 جولائی کو دوبارہ عدالت پیش کرنے کا حکم دیدیا ۔