اسلام آباد (نیشنل ٹائمز) سابق وفاقی وزیر اطلاعات فواد چوہدری نے کہا ہے کہ الیکشن ٹریبونل برقرار رہا تو مسلم لیگ(ن)کی حکومت 45 دنوں میں ختم ہو جائے گی،مسلم لیگ (ن)کی ساری گھبراہٹ ہی فارم 45 اور فارم 47کا ایک جیسا نہ ہونا ہے ۔ نجی ٹی وی سے گفتگو کرتے ہوئے انہوںنے کہا کہ نوازشریف اور مریم نواز بھی اپنی سیٹیں کھودیں گے ،مسلم لیگ (ن)کی ساری گھبراہٹ ہی فارم 45 اور فارم 47کا ایک جیسا نہ ہونا ہے۔ایک سوال کا جواب دیتے ہوئے ایڈہاک ججوں کے معاملے پر فواد چوہدری نے کہا کہ ماحول اس طرح کا بن چکا ہے کہ کوئی بھی یہ رسک لینے کو تیار ہی نہیں، عوام کا مینڈیٹ اس قدر خلاف ہے کہ یہ پراسس چل ہی نہیں رہا، اس صورتحال میں مجھے لگتا ہے کہ الیکشن کمیشن اس میں تاخیر کرے گا۔ مجھے لگ رہا ہے کہ سپریم کورٹ جو تفصیلی فیصلہ لا رہی ہے، اس میں سارا الیکشن کمیشن چارج شیٹ ہو جائے گا۔انہوں نے کہا کہ بہت جلد ہی سب کو یہ نظر آئے گا کہ چیف الیکشن کمشنر اور باقی ممبران انتخابات میں دھاندلی کے حوالے سے انکوائریاں بھگت رہے ہوں گے۔ انہوںنے کہا کہ حکومت یہ ساری تگ ودو صرف اور صرف خود کو اور الیکشن کمیشن کو بچانے کیلئے کر رہی ہے۔ کوشش کی جا رہی ہے کہ چیف جسٹس قاضی فائز عیسیٰ کو تین سال کی ایکسٹینشن دلوا دی جائے، اگر ایسا نہ ہوا تو عدالتی امور کا نظام گر جائے گا۔ انہوںنے کہا کہ اس وقت اسٹیبلشمنٹ نے سارے کا سار ابوجھ صدر مملکت آصف علی زرداری اور وزیراعظم میاں شہباز شریف کے نازک کندھوں پر رکھا ہوا ہے لیکن اب کے کندھے یہ بوجھ اٹھانے کے قابل نہیں ۔ فواد چوہدری نے کہا کہ ا ب تیسری لڑائی عدلیہ کیساتھ شرو ع کر دی گئی لیکن موجودہ ججز بڑے تگڑے ہیں۔ جنہیں نہ تو نوکری کی فکر ہے اور نہ ہی پیسے کی، یہ ججز کرپٹ نہیں ہیں۔