خوشاب (نیشنل ٹائمز) خوشاب میں چشمہ جہلم لنک کنال میں کشتی الٹ جانے سے 10نوجوان ڈوب گئے ، ریسکیو آپریشن اندھیرے کے باعث روک دیا، آپریشن آج صبح دوبارہ شروع کیا جائے گا۔حادثے میں 10 نوجوان ڈوب گئے تھے، ڈوبنے والے چار نوجوانوں کو بچا لیا گیا جبکہ دیگر 6 نوجوانوں کی تلاش جاری ہے۔ریسکیو ذرائع کے مطابق چشمہ جہلم لنک کینال پل حافظ والی کے مقام پر 10 لڑکے کشتی میں سوار تھے کہ کشتی تیز ریلے کی وجہ سے توازن برقرار نہ رکھ سکی اور ڈوب گئی۔ تین نوجوان خود تیر کر نکل آئے، ایک نوجوان کو ریسیکو ٹیم نے بچا لیا، جبکہ 6 نوجوان ڈوب گئے، ڈوبنے والوں میں دو سگے بھائی بھی شامل ہیں،نوجوان دوست چشمہ جہلم لنک کینال پل پر نہانے کیلئے آئے تھے۔