اسلام آباد (نیشنل ٹائمز) وزارت آئی ٹی وٹیلی کمیونیکیشن نے وزارت آئی ٹی سمیت دیگر وزارتوں کو ختم کرنے سے متعلق خبروں کی تردید کرتے ہوئے واضح کیاہے کہ وفاقی حکومت کی رائٹ سائزنگ سے متعلق کمیٹی نے متعلقہ وزارتوں سے منسلک محکموں کی رائٹ سائزنگ کے لیے سفارشات طلب کی ہیں اور مذکورہ وزارتوں کو ختم کرنے کی کوئی ہدایت نہیں دی۔اتوار کو جاری بیان میں وزارت آئی ٹی وٹیلی کمیونیکیشن نے کہاہے کہ میڈیا کے ایک سیکشن میں خبروں سے یہ تاثر پیداہواہے کہ وزارت آئی ٹی و ٹیلی کمیونیکیشن سمیت دیگر وزارتوںکو ختم کیا جا رہا ہے۔واضح رہے کہ وفاقی حکومت کی رائٹ سائزنگ سے متعلق کمیٹی نے متعلقہ وزارتوں سے منسلک محکموں کی رائٹ سائزنگ کے لیے سفارشات طلب کی ہیں اور مذکورہ وزارتوں کو ختم کرنے کی کوئی ہدایت نہیں کی۔