راولپنڈی (نیشنل ٹائمز )پاکستان، امریکہ انفنٹری کمپنی ایکسچینج مشق 2024 کا انعقاد کیا گیا۔پاک فوج کے شعبہ (آئی ایس پی آر) کے مطابق دونوں ممالک کی فورسز کی مشترکہ مشق کا مقصد ذیلی یونٹ کی سطح پر دہشتگردی کی لعنت سے نمٹنے کیلئے ایک دوسرے کی حکمت عملی اور پیشہ ورانہ مہارتوں سے استفادہ حاصل کرنا ہے ۔آئی ایس پی آر کے مطابق دو ہفتے طویل مشق کا آغاز 29 جون کو نیشنل کانٹر ٹیررازم سینٹر پبی میں ہوا جس میں دونوں ممالک کی انفنٹری کمپنیاں شریک ہیں ۔ اس مشق کا مقصد انسداد دہشتگردی کے شعبے میں دو طرفہ تعاون کو فروغ دینا ہے ، مشقوں میں نشانہ بازی میں مہارتوں کیبہترین طریقے اپنانے کاپہلوبھی شامل ہے مشق کا مقصد انسداد دہشت گردی کے تجربات ایک دوسرے سے شیئرکرنے کے ساتھ ساتھ انسداد دہشت گردی کی کارروائیوں کے لیے ناگزیر مشقوں کے طریقہ کار کو بہتر بنانا ہے، مشق کا دائرہ کار شہری جنگ کے دوران سب یونٹ کی سطح پر اپنائے جانے والے بہترین طریقہ کار کو سمجھتے ہوئے نشانہ بازی کی مہار ات حاصل کرنے تک وسیع ہے ۔ افتتاحی تقریب کا مشاہدہ جنرل آفیسر کمانڈنگ کھاریاں گیریژن نے کیا۔