اسلام آباد (نیشنل ٹائمز)وزیر مملکت برائے داخلہ طلال چودھری نے کہا کہ حکومت نے بہت نرمی کرلی، سیاسی و آئینی انتظام بھی کرلیا، یہ ملک کا آخری لانگ مارچ ہوگا۔ دہشت گردی کے معاملے پر کسی سمجھوتے کے  بغیر حکومت اور اپوزیشن کے درمیان دوبارہ مذاکرات نہیں ہوسکتے ۔اسلام آباد میں پریس کانفرنس کرتے ہوئے طلالچودھری نے کہا کہ حکومت اور اپوزیشن کے مذاکرات میں بنیادی نکات پر اتفاق ہوگیا تھا، تاہم ان کے بقول پی ٹی آئی نے جان بوجھ کر مذاکرات کو نتیجہ خیز نہیں بننے دیا ، اپوزیشن مذاکرات سے متعلق حقائق چھپا رہی ہے ،وزیر مملکت نے کہا کہ حکومت دہشت گردی کے خاتمے اور ملکی سلامتی پر کوئی سمجھوتا نہیں کرے گی۔ نیشنل ایکشن پلان ٹو بانی پی ٹی آئی کے دور حکومت میں بنا تھا اور دہشت گردی کے خلاف جنگ پورے پاکستان کا بیانیہ ہے ،خیبر پختونخوا کی صورتحال کا ذکر کرتے ہوئے وزیر مملکت نے پی ٹی آئی سے سوال کیا کہ دہشت گردی سے متاثرہ علاقوں میں جہاں سیاسی سرگرمیاں بھی خطرے میں ہیں، وہاں پارٹی کے بڑے اجتماعات کیسے ہو رہے ہیں ، سکیورٹی فورسز کو موثر ٹیکنالوجی کے استعمال سے روکنا انہیں کمزور کرنے کے مترادف ہوگا۔