منیلا (شِنہوا) فلپائن کے صوبے پالاوان میں سیاحتی مرکز کے قریب ایک بحری جہاز میں آگ لگنے کے بعد کم از کم پانچ افراد ہلاک جبکہ 87 افراد تاحال لاپتہ ہیں۔
مقامی کوسٹ گارڈ کے مطابق بحری جہاز میں بدھ کی شام اس وقت آگ بھڑک اٹھی جب وہ کورون بلدیہ کے ساحل سے تقریباً 1.2 بحری میل دور تھا۔ جہاز پر 117 مسافر اور عملے کے 17 ارکان سوار تھے، جبکہ 42 افراد کو بچا لیا گیا۔
کوسٹ گارڈ کی جانب سے سوشل میڈیا پر شیئر کی گئی ویڈیو میں بحری جہاز کو مکمل طور پر آگ کی لپیٹ میں دیکھا جا سکتا ہے۔
مقامی میڈیا رپورٹس کے مطابق آگ لگنے کے وقت بحری جہاز منیلا سے روانہ ہو کر کورون کی جانب جا رہا تھا۔
تلاش اور امدادی کارروائیاں تاحال جاری ہیں۔