بغداد(نیشنل ٹائمز)عراق میں انسداد بدعنوانی مہم کے دوران گرفتار کئے گئے سابق نائب وزیر تیل علی البہدلی کو 7 سال قید کی سزا سنا دی گئی۔
انسداد بدعنوانی ادارے کے مطابق البہدلی کو غیر قانونی ذرائع سے دولت کمانے کا مجرم قرار دیا گیا۔ عدالت نے انہیں 2 کروڑ ڈالر سے زائد رقم قومی خزانے میں جمع کرانے اور اتنی ہی مالیت کا جرمانہ ادا کرنے کا حکم بھی دیا۔ امریکا نے مئی میں البہدلی پر عراقی اور ایرانی تیل کی غیر قانونی آمیزش کے ذریعے ایران کو پابندیوں سے بچانے میں مدد دینے کا الزام عائد کرتے ہوئے پابندیاں عائد کی تھیں۔
