جکارتہ (شِنہوا) چینی وزیر خارجہ وانگ یی نے چین اور انڈونیشیا پر زور دیا ہے کہ وہ جامع تعاون کو مضبوط بنائیں اور ترقی کے لئے مزید مشترکہ قوت پیدا کریں تاکہ مل کر خطرات اور چیلنجز سے نمٹا جا سکے۔
وانگ یی، جو کمیونسٹ پارٹی آف چائنہ کی مرکزی کمیٹی کے سیاسی بیورو کے رکن بھی ہیں، نے یہ بات جمعہ کے روز جکارتہ میں انڈونیشیا کے وزیر خارجہ سوگیونو کے ساتھ چین-انڈونیشیا جامع تزویراتی مکالمے کے طریقہ کار کی پہلی کانفرنس کی مشترکہ صدارت کرتے ہوئے کہی۔
دونوں فریقوں نے اتفاق کیا کہ توانائی اور معدنی وسائل کے شعبوں میں تعاون کو گہرا کرنا ان کے مشترکہ مفادات میں ہے۔ انہوں نے توانائی اور معدنی وسائل کے شعبے میں ایک جامع، کھلی اور ماحول دوست شراکت داری مشترکہ طور پر قائم کرنے کے لئے آمادگی کا اظہار کیا۔
چینی وزیر خارجہ کا خطرات اور چیلنجز سے نمٹنے کے لئے انڈونیشیا کے ساتھ جامع تعاون مضبوط بنانے پر زور
