روم،نواکشوط(نیشنل ٹائمز)اٹلی کی امدادی تنظیم نے لیبیا کے قریب بین الاقوامی سمندری حدود میں لکڑی کی دو منزلہ کشتی سے 50 تارکین وطن کو بحفاظت نکال لیا۔۔۔

جبکہ 7 افراد کی لاشیں بھی برآمد کرلی گئیں۔ امدادی ٹیم کے مطابق 2افراد کی حالت تشویشناک ہے ۔ تارکین وطن کا تعلق صومالیہ اور مصر سے ہے ۔ادھر موریطانیہ کے ساحلی محافظوں نے سمندر میں بھٹکتی کشتی سے خواتین اور بچوں سمیت 42 تارکین وطن کو بحفاظت بازیاب کرلیا۔ کشتی میں سینیگال کے 10 اور گیمبیا کے 32 شہری سوار تھے ، جن میں 4 خواتین اور 3 بچے شامل تھے ۔