بیجنگ (شِنہوا) چینی ایئر لائنز 5 اگست سے فروخت ہونے والے اندرون ملک پروازوں کے ٹکٹوں پر فیول سرچارج میں مزید کمی کریں گی۔ ایئر لائنز کی جانب سے جاری اعلانات کے مطابق یہ فیصلہ جولائی میں کی گئی کمی کے بعد کیا گیا ہے۔
نظرثانی شدہ نرخوں کے تحت 800 کلومیٹر تک کے روٹس پر ہر پرواز کے لئے 40 یوآن (تقریباً 5.89 امریکی ڈالر) جبکہ 800 کلومیٹر سے زیادہ فاصلے والے روٹس پر 70 یوآن فیول سرچارج وصول کیا جائے گا۔
شیر خوار بچوں سے بدستور فیول سرچارج وصول نہیں کیا جائے گا جبکہ بچوں، معذور سابق فوجیوں اور دوران ڈیوٹی معذور ہونے والے پولیس اہلکاروں کو اس سرچارج میں 50 فیصد رعایت دی جائے گی۔
اس نئے ردوبدل کے تحت موجودہ نرخوں میں 800 کلومیٹر تک کے روٹس پر فیول سرچارج میں 10 یوآن جبکہ 800 کلومیٹر سے زیادہ فاصلے والے روٹس پر 30 یوآن کی کمی ہوگی ۔