بیجنگ (شِنہوا) چائنہ سیٹلائٹ نیویگیشن آفس (سی ایس این او) کے مطابق چین کے بے دو نیویگیشن سیٹلائٹ نظام (بی ڈی ایس) کی مدار میں اپ گریڈیشن مکمل کر لی گئی ہے، جس کے بعد یہ صارفین کو مزید معیاری خدمات فراہم کرے گا۔
دفتر کے مطابق نظام کی مستحکم فعالیت کو برقرار رکھتے ہوئے نئی نیویگیشن ٹیکنالوجیز بھی تیار کی جائیں گی تاکہ دنیا بھر کے صارفین کو مقام کے تعین، نیویگیشن اور درست وقت کی مزید قابل اعتماد خدمات فراہم کی جا سکیں۔
ایک مکمل، فعال اور اعلیٰ کارکردگی کے حامل عالمی سیٹلائٹ نیویگیشن سسٹم کے طور پر بے دو کے اس وقت 50 فعال سیٹلائٹس مدار میں موجود ہیں۔یہ نظام کسی بھی مقام کا 10 میٹر سے کم درست تعین، رفتار کی انتہائی درست پیمائش اور صرف 20 نینو سیکنڈ کی حد تک درست وقت فراہم کرتا ہے۔
اپنی پریسائز پوائنٹ پوزیشننگ (پی پی پی) سروس سگنل کے ذریعے یہ افقی سمت میں 0.3 میٹر سے بہتر اور عمودی سمت میں 0.6 میٹر سے بہتر درستگی کے ساتھ پوزیشننگ کی صلاحیت فراہم کر سکتا ہے۔
قبل ازیں جاری رپورٹس کے مطابق اس اپ گریڈیشن کے دوران بعض سیٹلائٹس کی فعال حالت کو بہتر بنانے کے لئے ان میں ضروری تکنیکی تبدیلیاں اور ردوبدل کیا گیا تھا۔