انقرہ(نیشنل ٹائمز) ترک حکام نے اپوزیشن جماعت ریپبلکن پیپلز پارٹی (سی ایچ پی) سے تعلق رکھنے والے ایتم سگوت کے میئر اور معروف ٹی وی اداکار اردال بشکچی اوغلو کو کرپشن کے الزامات میں گرفتار کر لیا۔

پراسیکیوٹرز نے ایک بیان میں کہا کہ انقرہ کے نو صوبوں میں بیک وقت کارروائی کی گئی، 55 مشتبہ افراد کو گرفتار کیا گیا جن میں بلدیہ کے 42 ملازمین اور 13 کاروباری شخصیات شامل ہیں۔ ان افراد پر ایک مجرمانہ تنظیم قائم کرنے ،خرد برد اور بدعنوانی کے الزامات عائد کیے گئے ہیں۔اپوزیشن نے مقدمات کو سیاسی انتقام قرار دیتے ہوئے کہا ہے کہ حکومت مخالف رہنماؤں کو نشانہ بنایا جا رہا ہے ۔