رملہ(نیشنل ٹائمز) مقبوضہ مغربی کنارے کے گاؤں تل میں اسرائیلی آباد کاروں کے ساتھ جھڑپ میں شہید ہونے والے 4 فلسطینیوں کو سپرد خاک کر دیا گیا۔

مقامی حکام کے مطابق جنازے میں شرکت پر پابندیاں عائد کی گئیں اور محدود تعداد میں افراد شریک ہو سکے ۔ حکام نے بتایا کہ جمعہ کو قریبی یہودی بستی سے آنے والے افراد اور فلسطینی شہریوں کے درمیان جھڑپ ہوئی، جس میں چار فلسطینی اور دو اسرائیلی مارے گئے ۔ اسرائیلی فوج نے مغربی کنارے میں چیک پوسٹیں اور راستے بند کر دئیے ہیں جبکہ درجنوں فلسطینیوں کو پوچھ گچھ کے لیے حراست میں لیا گیا ہے۔