بیجنگ (شِنہوا) چین کے مرکزی بینک نے اعلان کیا کہ وہ 27 جولائی کو بیجنگ سنٹرل ایکسس کی مناسبت سے سونے اور چاندی کے یادگاری سکوں کا ایک سیٹ جاری کرے گا۔
پیپلز بینک آف چائنہ کے مطابق اس سیٹ میں ایک سونے کا اور پانچ چاندی کے یادگاری سکے شامل ہیں اور یہ تمام سکے چین میں قانونی کرنسی کی حیثیت رکھتے ہیں۔
تمام چھ سکوں کے اگلے رخ پر عوامی جمہوریہ چین کا قومی نشان، ملک کا نام اور سن اجرا کندہ ہوگا۔
150 گرام وزنی مستطیل سونے کے سکے کے پچھلے رخ پر بیجنگ سنٹرل ایکسس کا مجموعی منظر نقش کیا گیا ہے۔ جبکہ 30 گرام وزنی پانچ مستطیل چاندی کے سکوں کے پچھلے رخ پر اس تاریخی محور کے اہم مقامات اور عمارتوں کی تصاویر نمایاں کی گئی ہیں، جن میں بیل اینڈ ڈرم ٹاورز ، پیلس میوزیم، تیان آن من سکوائر اور ٹیمپل آف ہیون شامل ہیں۔