بیجنگ (شِنہوا) چین کی وزارت تجارت نے یورپی کمیشن کی جانب سے یورپی یونین کے ڈیجیٹل سروسز ایکٹ کے تحت علی ایکسپریس پر 55 کروڑ یورو (تقریباً 62 کروڑ 70 لاکھ امریکی ڈالر)جرمانہ عائد کئے جانے کے فیصلے پر شدید عدم اطمینان اور گہری تشویش کا اظہار کیا ہے۔
وزارت کے ترجمان نے بدھ کے روز ایک بیان میں کہا ہےکہ چین پلیٹ فارم ریگولیشن کے نام پر یورپی یونین کی جانب سے ڈیجیٹل رکاوٹیں کھڑی کرنے اور امتیازی اقدامات کے ذریعے یورپ میں چینی ای کامرس کمپنیوں کی معمول کی کاروباری سرگرمیوں کو محدود کرنے اور دبانے کی سخت مخالفت کرتا ہے۔
ترجمان نے کہا کہ چین یورپی یونین پر زور دیتا ہے کہ وہ قانونی ابہام کا سہارا لے کر اپنے صوابدیدی اختیارات کے ناجائز استعمال سے باز آئے اور چینی کمپنیوں کے ساتھ منصفانہ اور غیر جانبدارانہ سلوک کرے۔
ترجمان نے مزید کہا کہ چین اپنے اداروں کے قانونی حقوق کے تحفظ کے لئے قانونی ذرائع اختیار کرنے میں ان کی بھرپور حمایت کرے گا اور ان کے جائز مفادات کے تحفظ کے لئے موثر اقدامات جاری رکھے گا۔