منیلا(نیشنل ٹائمز)فلپائن کے دارالحکومت منیلا میں ایشیا کا واحد خصوصی روحانی علاج اور جنات نکالنے کی تربیت دینے والا مرکز قائم کر دیا گیا ہے ، جہاں فلپائنی پادریوں کے ساتھ خطے کے دیگر ممالک کے مذہبی رہنماؤں کو بھی تربیت دی جائے گی۔
مائیکل سنٹر فار اسپرچوئل لبریشن اینڈ ایکسورسزم کے منتظم فادر جوز فرانسسکو سیکیوا کے مطابق بڑھتے ہوئے کیسز کے باعث اس مرکز کی ضرورت محسوس ہوئی۔ ان کا کہنا ہے کہ خاندانی مسائل، بیرون ملک روزگار کے لیے جدائی، بدسلوکی اور ذہنی صدمات بعض افراد کو روحانی مشکلات کی جانب لے جا سکتے ہیں۔ مرکز میں تربیت کا اہم حصہ نفسیاتی مسائل اور روحانی معاملات میں فرق کی پہچان سکھانا ہے ۔
