بیجنگ (شِنہوا) چین میں جون 2026 کے دوران روزگار کی منڈی مجموعی طور پر مستحکم رہی جبکہ شہری علاقوں میں سروے پر مبنی بے روزگاری کی شرح 5 فیصد رہی، جو مئی کے 5.1 فیصد کے مقابلے میں کم ہے۔
چین کے قومی ادارہ شماریات (این بی ایس) کے مطابق رواں سال کی پہلی ششماہی کے دوران شہری علاقوں میں سروے پر مبنی بے روزگاری کی اوسط شرح 5.2 فیصد رہی۔
جون میں شہری علاقوں کے مقامی رجسٹرڈ کارکنوں میں بے روزگاری کی شرح 5 فیصد رہی جبکہ مہاجر کارکنوں میں یہ شرح اس سے کم، یعنی 4.9 فیصد ریکارڈ کی گئی۔
چین کے 31 بڑے شہروں میں بھی گزشتہ ماہ شہری علاقوں میں سروے پر مبنی بے روزگاری کی شرح 5 فیصد رہی، جو مئی کے 5.1 فیصد سے کم ہے۔
قومی ادارہ شماریات کے نائب سربراہ ماؤ شینگ یونگ نے ایک پریس کانفرنس میں کہا کہ سال کی پہلی ششماہی کے دوران چین کی معیشت مناسب دائرہ کار میں چلتی رہی۔ انہوں نے مزید کہا کہ روزگار، کاروباری اداروں اور منڈیوں کی مستحکم ترقی کو یقینی بنانے اور عوامی توقعات پر پورا اترنے کے لئے مزید کوششیں کی جائیں گی۔
چین نے 2026 کے لئے شہری علاقوں میں سروے پر مبنی بے روزگاری کی شرح کو تقریباً 5.5 فیصد تک محدود رکھنے کا ہدف مقرر کیا ہے، جبکہ سال بھر میں ایک کروڑ 20 لاکھ سے زائد نئے شہری روزگار کے مواقع پیدا کرنے کا بھی منصوبہ بنایا گیا ہے۔