بیجنگ (شِنہوا) چین کی ویلیو ایڈڈ مصنوعات کی صنعتی پیداوار میں 2026 کی پہلی ششماہی میں مستحکم اضافہ ریکارڈ کیا گیا، جبکہ آلات سازی اور ہائی ٹیک مینوفیکچرنگ کے شعبوں نے نمایاں ترقی کی۔
چین کے قومی ادارہ شماریات کے اعداد و شمار کے مطابق مذکورہ مدت کے دوران ملک کی ویلیو ایڈڈ مصنوعات کی صنعتی پیداوار میں گزشتہ سال کے مقابلے میں 5.4 فیصد اضافہ ہوا۔
صنعتی پیداوار ایک ایسا اشاریہ ہے جس کے ذریعے ان بڑے صنعتی اداروں کی سرگرمیوں کا اندازہ لگایا جاتا ہے جن کی سالانہ بنیادی کاروباری آمدنی کم از کم 2 کروڑ یوآن (تقریباً 29 لاکھ 50 ہزار امریکی ڈالر) ہو۔
شعبہ وار جائزے کے مطابق کان کنی کے شعبے کی پیداوار میں 3.6 فیصد اضافہ ہوا، جبکہ اشیاء سازی کے شعبے کی پیداوار میں 5.6 فیصد نمو ریکارڈ کی گئی۔ بجلی، حرارت، گیس اور پانی کی پیداوار و فراہمی کے شعبوں کی پیداوار میں 5.5 فیصد اضافہ ہوا۔